طريقة اعداد و تحضير طاجين بالحوت بالصور

شرح طريقة تحضير طاجين بالحوت

الطريقة ..
نتبل السمك بالثوم و الكسبرة و الملح و نسيبه شوية نقطع البطاطس و نسيبها في شوية مية و ملح نخلط الفلفل الأخضر والبصل و الطماطم و الزعتر و الكزبرة الخضراء و الكمون والتوابل مع فصين ثوم في الكبة او في الخلاط او في أي حاجة ..
نجيب الطاجين الفخاري .. و نحط فيه معلقتين زبدة .. الزبدة بتشيل زفارة السمك على فكرة و بتخلي ريحة الطاجين و طعمه حلوين اوي اوي .. نرص طبقة من البطاطس .. و عليها نفرش معلقتين تقريبا من خلطة الطماطم و البصل اللي عملناها ..
نحط طبقة سمك .. و نحط من الخلطة عليها برضه .. لحد آخر طبقة من فوق تكون بطاطس .. نحط باقي الخلطة كلها على الوش .. و نضيف معلقتين كمان زبدة على الوش .. نضيف عصير الطماطم .. ممكن تستخدمي صلصة عشان الطماطم مش هتدي لون تحفة نغطي بالفويل .. و نحط في الفرن لمدة ساعة .. بعد الساعة نشيل الفويل .. و نحمر من فوق شوية ..